Bakının Mərdəkan qəsəbəsi dairəsindən Buzovna və Zuğulba qəsəbələri istiqamətdə gedən avtomobil yolunda iki yeni yerüstü piyada keçidinin tikintisinə hazırlıq işlərinə başlanılıb. Bu haqda bu gün, 22 avqust tarixində Caliber.az məlumat verib.
Hazırda yolun 4 kilometrdən artıq hissəsində yalnız “zebra” tipli piyada keçidi var.
Bu günlərdə iki yeni keçidin tikintisinə qərar verilib. Onların hər ikisi mövcud avtobus dayanacaqlarının yaxınlığında - biri məlumat lövhəsinin yanında, digəri isə “Oba” mağazasının yanında yerləşəcək.
Mağazanın yaxınlığındakı keçidin tikintisi yenicə başlayıb - təməlin qurulması üçün qazma işləri aparılır. Məlumat lövhəsinin yanında isə hələlik yalnız hazırlıq işlərinə başlanılıb.
[URIS id=62649]
