2-3 iyul tarixlərində Bakıda “Kənddən Şəhərə” həftəsonu yarmarkaları təşkil olunacaq. Bu haqda BakuPlus.az Kənd Təsərrüfatı Nazirliyinə istinadən bu gün, 30 iyun tarixində xəbər verir.
Adıçəkilən narizlik tərəfindən təşkil olunan yarmarkalarda yerli kənd təsərrüfatı və qida məhsulları birbaşa fermerlər tərəfindən satışa çıxarılacaq.
Yarmarka zamanı fermerlər piştaxta, tərəzi, soyuducu və digər lazımi ləvazimat və avadanlıqlarla təmin olunacaqlar. Məhsullarının daşınmasında çətinlik çəkən fermerlərə isə loqistik dəstək göstəriləcək. Onlar ödənişsiz şəkildə iştirak edəcəklər.
Ümumilikdə 40-dan çox regiondan 100-ə yaxın fermer 100-ə yaxın çeşiddə kənd təsərrüfatı və qida məhsullarını satışa çıxaracaqlar.
Yarmarkalarda satışa çıxarılan məhsulların kеyfiyyətinə Azərbaycan Qida Təhlükəsizliyi Agentliyi nəzarət edəcək, Səyyar Qida Laboratoriyası fəaliyyət göstərəcək.
Vətəndaşlar satışa çıxarılan hər hansı bir məhsulun keyfiyyət göstəricilərini öyrənmək üçün laboratoriyanın xidmətlərindən faydalana bilərlər.
“Kənddən şəhərə” həftəsonu yarmarkaları Nərimanov rayonu, Fətəli xan Xoyski küçəsi, 5 (“Gənclik” metro stansiyasının çıxışı) ünvanında fəaliyyət göstərəcək.
