Paytaxtın Səbail rayonu, “20-ci sahə” adlanan ərazi, Elçin Əzizov küçəsi, 10 ünvanında yollar bərbad vəziyyətdədir. Bu haqda bu gün, 21 fevral tarixində Bakuplus.az Real TV-yə istinadən xəbər verir.
Adıçəkilən ünvanda asfaltsız, kələkötür yollar, qamışlıqlar hökm sürür. Ətrafa tökülən zibilləri isə külək dağıdır, yayılan qoxudan dayanmaq olmur.
“Yağışda, palçıqda hərəkət etmək mümkün deyil. Gərək özünlə əlavə ayaqqabı götürəsən. Zibilləri də külək gah o yana aparır, gah da bu yana”, - deyə sakinlər bildirirlər.
Onlar deyirlər ki, məhəllənin yollarını kanalizasiya çəkmək üçün qazıblar, daha sonra düzəltməyiblər. Sakinlər də məcbur olub özləri bir az çınqıl töküblər ki, hərəkət etmək mümkün olsun.
Səbail rayon İcra Hakimiyyəti məsələ ilə bağlı bildirib ki, sözügedən küçənin təmiri planlaşdırılıb, həmçinin yaxın günlərdə ərazidə iməcilik də təşkil olunacaq.
[caption id="attachment_91483" align="alignnone" width="640"]
Foto Real TV[/caption]
