Bakıda sərnişinlər 211 nömrəli avtobusdan şikayət edirlər. Bu haqda bu gün, 29 may tarixində Bakuplus.az ARB-yə istinadən xəbər verir.
Bildirilir ki, sözügedən avtobus tez-tez gecikir, bəzi hallarda isə sürücülər marşrutun ortasında monitoru söndürür və reysi tərk edirlər.
“Bizi “Karl Marks”a qədər apardı. Ondan sonra deyir: “İşləmirik”. Sürücünün özü deyib ki, 19:00-dan sonra işləmirlər. Amma agentliyə zəng edirik, deyirlər ki, 22:00-a kimi işləməlidir”, – deyə sakinlər bildirirlər.
Avtobus gec gəldiyindən sakinlər məcburən 77 nömrəli avtobusdan istifadə edib yolun bir hissəsini qət edirlər. Sonra başqa yollarla mənzilbaşına çatırlar.
AYNA-dan məsələ ilə bağlı bildirilib ki, avtobusların gecikmələri yollardakı sıxlıqla bağlıdır:
“Bakubus MMC”-nin müvəqqəti istismarında olan 211 nömrəli marşrutda 14 iritutumlu avtobus 10-12 dəqiqə intervalla fəaliyyat göstərir. Lakin günün müəyyən saatlarında yaranan nəqliyyat sıxlığı ilə əlaqədar hərəkət intervalı artır”.
