Nərimanov rayonunun Xan Şuşinski və Həsən Əliyev küçələrinin kəsişməsində yerləşən “My Tantuni” restoranının içərisində olan ağacların yuxarı hissəsini kəsiblər. Bu haqda bu gün, 29 aprel tarixində Bakuplus.az ATV-yə istinadən məlumat verir.
Yaxınlıqda yaşayan sakinlər iddia edirlər ki, ağacları kəsə bilməyən obyekt sahibi məcbur olub onu restoranın daxilində saxladı. Amma bir müddət keçdikdən sonra zərər verməklə qurutmağa çalışırlar.
Məsələ ilə bağlı özünü restoranın işçisi kimi təqdim edən şəxs nə suallarımıza doğru-düzgün cavab verdi, nə də obyektin rəhbərliyi ilə əlaqə saxlamağa imkan verdi.
Məsələ ilə bağlı Ekologiya və Təbii Sərvətlər Nazirliyindən bildirildi ki, bu məsələdən onların da xəbəri var. Araşdırma aparıldıqdan sonra nəticəsi barədə məlumat veriləcək.
