Bakının Yasamal rayonu, Suleyman Dadaşov küçəsində avtobus sürücüləri görsənməyən yol nişanına görə cərimələnirlər. Bu haqda bu gün, 20 oktyabr tarixində Bakuplus.az ATV-yaə istinadən xəbər verir.
Ayna Sultanova küçəsində tıxac müşahidə olunan zaman avtobus sürücüləri Süleyman Dadaşov küçəsindən alternativ yol kimi istifadə edirlər. Lakin həmin əraziyə avtobusların girişini qadağan edən yol nişanı qoyulub. Amma yol nişanı budanmamış ağaclara görə görünmür.
Sürücülərin sözlərinə görə, nişanın qarşısında olan ağaclar onu görməyə məneə törədirlər və ancaq cərimə yazılandan sonra başa düşürlər ki, qaydanı pozurlar.
Azərbaycan Yerüstü Nəqliyyat Agentliyindən (AYNA) verilən məlumata görə, hazırda paytaxtın küçə və prospektlərində quraşdırılan nişanlarla bağlı təhlillər aparılır. Analoji vəziyyət yarananda müraciət Bakı şəhər Yaşıllaşdırma Təsərrüfatı Birliyinə göndərilir. Sözügedən ərazidə müvafiq tədbirlər görüləcək.
