Bakının Yasamal rayonu, Moskva prospektində məhəccərlərin bir neçəsi sökülüb. Bu haqda bu gün, 17 fevral tarixində Bakuplus.az xəbər verir.
“Şamaxinka” adlanan ərazidə yerləşən avtobus dayanacağının qarşısında piyadaların keçməsinə mane olmaq üçün məhəccərlər quraşdırılmışdır. Naməlum şəxslər onların bir hissəsini söküb.
Hazırda vətəndaşlar avtomobil yoluna çıxaraq özlərini təhlükəyə atırlar. Sözügedən ərazinin yaxınlığında yerüstü piyada keçidi var.
Analoji vəziyyət cari ilin yanvar ayında “20 Yanvar” metro stansiyasının yaxınlığında da müşahidə edilmişdi.
