Azərbaycan Qida Təhlükəsizliyi Agentliyi (AQTA) sosial şəbəkələrdə və KİV-də qida əlavələrinin satışı ilə bağlı paylaşımları təhlil edərək araşdırıb. Bu haqda bu gün, 2 dekabr tarixində Bakuplus.az AQTA-ya istinadən məlumat verir.
Agentlik əməkdaşları tərəfindən aparılan monitorinqlər çərçivəsində istehlakçılara bioloji aktiv qida məhsulu kimi təqdim edilən “Samyun Wan” adlı kökəlmə üçün nəzərdə tutulan məhsuldan nümunələr götürülərək laborator müayinələrə cəlb edilib. Araşdırma nəticələrinə görə, məhsulun tərkibində insan sağlamlığı üçün təhlükəli hesab edilən kimyəvi maddə aşkar edilib.
Azərbaycana qeyri-qanuni gətirilən “Samyun WAN” bioloji aktiv qida əlavəsi deyil və bu kimi halların qarşısının alınması üçün agentlik tərəfindən müvafiq tədbirlər həyata keçirilir.
