Paytaxtın Nərimanov rayonu, Atatürk parkında ağacların qeydiyyatına başlanılıb. Bu haqda bu gün, 31 dekabr tarixində Bakuplus.az APA-ya istinadən xəbər verir.
Ağacların qeydiyyatı üçün xüsusi tətbiqdən istifadə edilir. Belə ki, həmin tətbiqlə çəkilən şəklin üzərinə ərazinin GPS koordinatları, saat və tarixi, həmçinin digər zəruri məlumatlar əlavə olunur və vahid sistemdə saxlanılır.
Daha sonra xüsusi QR kod yaradılaraq ağacın üzərinə etiket formasında yapışdırılır. Həmçinin yaşıllıqlar haqqında məlumatların ictimaiyyətə təqdim olunması üçün xüsusi veb-sayt yaradılır. Həmin veb-saytda ağaclar xəritə üzərində nümayiş etdiriləcək, onların hər birinin şəkli və bütün məlumatları əks olunacaq.
