Bakının Binəqədi rayonunda yerləşən restoran sakinlərin narazılığına səbəb olub. Bu haqda bu gün, 13 may tarixində Bakuplus.az ATV-yə istinadən xəbər verir.
Atatürk prospektində yerləşən “The Mirror” restoranında gecə saatlarında gələn musiqi səsi vətəndaşları narahat edir. Sakinlərin sözlərinə görə, hər gün gecə saat 11-12-yə qədər tədbirlər olur və bu səbədən yatmaq olmur.
“Səs-küydən nə yata bilirik, nə də istrahət edə bilirik. Bir neçə dəfə müraciət etmişik, amma problem öz həllini tapmır”, – deyə sakinlər şikayət edirlər.
Restoranın müdiri isə məsələ ilə bağlı açıqlama verməkdən imtina edib.
Daxili İşlər Nazirliyindən (DİN) bildirilib ki, qanuna əsasən, gecə saat 00:00-dan səhər 07:00-dək kafelərdən gələn səslər ətrafdakı insanların istirahətini pozsa, bu, hüquq pozuntusudur və fiziki şəxslər 150-200, vəzifəli şəxslər isə 2000-2500 manatadək cərimələnəcək.
