Fövqəladə Hallar Nazirliyi (FHN) yay fəsli ilə əlaqədar attraksionlara nəzarəti gücləndirib. Bu haqda bu gün, 25 iyun tarixində Bakuplus.az Report-a istinadən xəbər verir.
Yay fəsli ilə əlaqədar ölkənin şəhər və rayonlarındakı müxtəlif məkanlarda yerləşən attraksionların texniki təhlükəsizlik tələbləri ilə bağlı nəzarət-yoxlama tədbirləri gücləndirilib.
Tədbirlər çərçivəsində attraksionlarda qanunvericiliyin tələblərinə əməl olunmasının vəziyyəti araşdırılır və müəyyən edilən nöqsanların aradan qaldırılması üçün attraksionların məsul şəxslərinə zəruri göstərişlər, habelə tövsiyələr verilir.
Həmçinin baş verə biləcək arzuolunmaz hadisələr zamanı həyata keçirilməli olan operativ tədbirlər barədə attraksion işçilərinə ətraflı məlumat verilir.
