1991-ci ilin oktyabrında Azərbaycan müstəqillik əldə etdi. Lakin müstəqilliyin ilk illərində ölkədə daxili vəziyyət və hakimiyyət böhranı yarandı. Ermənistanın işğalçılıq niyyəti və Birinci Qarabağ müharibəsi respublikada vəziyyəti daha da gərginləşdirirdi. Bu səbəblərdən 1993-cü ilin yayında Azərbaycanda vətəndaş müharibəsi təhlükəsi yaranmışdı.
1993-cü il iyunun 15-də Heydər Əliyev Azərbaycan Ali Sovetinin sədri seçildi. Ulu öndərin hakimiyyətə qayıdışı ilə Azərbaycan ictimai-siyasi və iqtisadi böhrandan xilas oldu, inkişafın təməlləri qoyuldu. Onun hakimiyyəti illərində “Əsrin müqaviləsi” adlanan beynəlxalq saziş imzalandı.
Beləliklə, 15 iyun Azərbaycan tarixinə Milli Qurtuluş Günü kimi daxil oldu.
