Azərbaycanlı yeniyetmə ABŞ-də qızıl medala layiq görülüb. Bu haqda bu gün, 22 iyun tarixində Bakuplus.az Oxu.az-a istinadən məlumat verir.
Renad Kərimli Nyu-Cersi Texnologiya İnstitutunun (NJIT) təşkilatçılığı ilə keçirilən NEO Elm Olimpiadasında ("Neo Science Olympiad") “Kodlaşdırma” kateqoriyasında birinci yeri tutub.
O, həmçinin riyaziyyat üzrə “Best of Best” və “Science” bölmələrində mükafatlar qazanıb. Beləliklə, Renad Vətənə ümumilikdə dörd qızıl medalla qayıdıb.
Renad Kərimli 2012-ci il noyabrın 21-də Bakıda anadan olub. Hazırda o, beşinci sinifdə oxuyur.
NEO Elm Olimpiadası tələbələrin elm sahəsində biliklərini inkişaf etdirməyə yönəlmiş nüfuzlu qlobal tədbirdir. Platforma uşaqlara rəqabət aparmaq, problem həll etmək bacarıqlarını nümayiş etdirmək və müxtəlif ölkələrdən olan həmyaşıdları ilə əməkdaşlıq etmək üçün nəzərdə tutulub.
Renad ilk olaraq NEO Elm Olimpiadasının onlayn mərhələlərində “Kodlaşdırma” nominasiyası üzrə iştirak edib və birinci yeri tutub. Bundan sonra o, finalda iştirak etmək üçün ABŞ-yə dəvət olunub.
