Bakıda daha 12 nöqtədə enerjidoldurma məntəqələri quraşdırılır. Bu haqda bu gün, 23 iyul tarixində Bakuplus.az “Azərişıq” ASC-yə isitnadən məlumat verir.
Bu il Bakıda keçiriləcək COP29 ərəfəsində paytaxtda və regionlarda enerjidoldurma məntəqələrinin zəruri infrastrukturu yaradılır, həmin məntəqələr dayanıqlı elektrik enerjisi ilə təchiz edilir.
Məntəqələr Nərimanov rayonunda Atatürk parkı, “Gənclik” metro stansiyası, Aşıq Molla Cümə küçəsində, 215 saylı yarımstansiyanın yaxınlığında, Səbail rayonunda Nizami küçəsində və Ağ şəhər bulvarı dairəsində, Maştağa elektrik şəbəkəsinin ərazisində yerləşən "Sea Breeze" yarımstansiyasında və "Sea Breeze" yaşayış kompleksinin parkinq ərazisində, Xətaidə "Ağ şəhər-1" və "Ağ şəhər-2" yarımstansiyalarının ərazisində, Xəzər rayonunda Qala-Mərdəkan yolunun üzərində, Nəsimidə "Dağlıq" yarımstansiyasında, Nizami rayonunda Qara Qarayev küçəsində quraşdırılıb. Hazırda sözügedən ünvanlarda son tamamlanma işləri həyata keçirilir.
Bununla yanaşı, Bakıda 4 məntəqədə - "İçərişəhər", "Yasamal 120" yarımstansiyalarının ərazisində, Tədris və İnnovasiyalar Mərkəzində, Xəzər rayonunun Buzovna qəsəbəsində enerjidoldurma cihazları quraşdırılaraq istismara hazır vəziyyətə gətirilib.
Paytaxtla yanaşı, analoji məntəqələr regionlarda da quraşdırılır.
