Başmaqla avtomobil idarə etmək qanunidirmi? Bu haqda bu gün, 25 iyun tarixində Bakuplus.az ARB-yə istinadən xəbər verir.
Bir sıra sürücülər başmaqla avtomobil sürdüklərinə görə cərimələndiklərini bildirirlər. Onlardan bəziləri bunun qanuni oluğunu, digərləri isə tam tərsini deyirlər.
“Şəpşəpə görə cərimə yazan polis vəzifəsindən sui-istifadə edir”, – deyə bəzi sürücülər bildirirlər.
BŞDYPİ-nin əməkdaşı Toğrul Nəsirli məsələ ilə bağlı bildirib ki, qanunvericilikdə hər hansı bir müddəa nəzərdə tutulmayıb. Lakin təcrübə göstərir ki, belə halda nəqliyyat vasitəsini idarə etmək olduqca təhlükəlidir.
“Bu məsələ sadəcə tövsiyə xarakteri daşıyır. Başmaq geyinməmək birbaşa sürücünün təhlükəsizliyi üçün önəmli sayılır”, – deyə o əlavə edib.Ekspert Yasin Mustafayev isə deyir ki, sürücü ilk öncə təhlükəsizlik baxımından bu kimi detallara fikir verməlidir.
