Bakının Xətai rayonunun Süleyman Vəzirov, 49 ünvanında, Babək prospektinin yaxınlığında yaşayan sakinlər yol keçidinin olmamasından narazıdırlar. Bu haqda bu gün, 9 aprel tarixində Bakuplus.az ARB Media-ya istinadən xəbər verir.
Sakinlərin sözlərinə görə, ərazidə avtobus dayanacağı quraşdırılsa da, piyada keçidi yaradılmayıb. Bu da insanları həyatlarını təhlükəyə atmağa vadar edir. Uşaqlar da bu yolu keçməyə məcburdurlar.
“Burada sürət yüksəkdir. 4-5 nəfəri avtomobil vurub. 1500-ə yaxın əhali var. Deyirlər, köçəcəksiniz, amma hələ də bir addım atılmayıb”, - deyə sakinlər şikayət edirlər.
Onlar Azərbaycan Yerüstü Nəqliyyat Agentliyinə müraciət ediblər, ancaq məsələ öz həllini tapmayıb.
