Bakının Səbail rayonu, Badamdar qəsəbəsinin sürüşmə zonası kimi tanınan 3-cü yaşayış massivində yeni içməli və kanalizasiya su şəbəkələri yaradılır. İndiyə qədər əhalinin idarə etdiyi kustar və pərakəndə su xətləri sökülərək mərkəzləşdirilmiş sistem ilə əvəz olunurlar.
Bundan əvvəl 3-cü massivinin əksər hissəsində mərkəzləşdirilmiş içməli su təchizatı və kanalizasiya şəbəkəsi yox idi. 2019-2020-ci illərdə rayonda 15 kilometr içməli, 20 kilometr kanalizasiya şəbəkəsi çəkilmişdir. Ötən ilin sonundan layihənin davamı olaraq 1,8 kilometr içməli su şəbəkəsinin və 2 kilometr kanalizasiya şəbəkəsinin tikintisinə başlanılıb. Hazırda 140 ünvanda mənzillərin birləşdirilməsi istiqamətində işlər aparılır.
Yeni şəbəkənin çəkildiyi ərazilərdə septik qurğular və şambolar ləğv ediləcək, evlərin kanalizasiya şəbəkələri mərkəzləşdirilmiş şəbəkəyə qoşulacaq. Layihənin fevral ayında başa çatdırılması nəzərdə tutulur.
[URIS id=31813]
