Badamdar qəsəbəsində sakinlərlə səyyar görüş keçirilib. Bu haqda 11 noyabr tarixində BakuPlus.az RİH-nin mətbuat xidmətinə istinadən xəbər verir.
Rayon İcra Hakimiyyətinin başçısı Heydər Əliyev parkında sakinləri qəbul edib.
Görüşdə Rayon İcra Hakimiyyəti başçısının müavinləri, RİHBA-nın məsul işçiləri, ərazi icra nümayəndələri, bələdiyyə sədrləri, rayonun idarə, müəssisə, xidmət sahələrinin rəhbərləri və sakinlər iştirak ediblər.
Sakinlər məhəllədaxili yollara yeni asfalt örtüyünün salınması, fərdi yaşayış evlərinin təmir olunması, kanalizasiya xətlərinin yenilənməsi və digər sosial problemlərlə bağlı müraciət ediblər.
Vüqar Zeynalov sakinlər tərəfindən qaldırılan məsələlərin həlli ilə bağlı aidiyyəti qurum və təşkilat rəhbərlərinə müvafiq tapşırıqlar verib.
RİHBA-nın fəaliyyət dairəsinə aid olmayan müraciətlər isə qeydiyyata alınıb və müvafiq qurumlara RİH tərəfindən rəsmi müraciətlər ünvanlanıb.
