Səbail rayonu, Badamdar qəsəbəsində sakinlər həm susuz, həm də yolsuz qalıblar. Bu haqda bu gün, 30 yanvar tarixində Bakuplus.az İctimai TV-yə istinadən xəbər verir.
Söhbət qəsəbənin 3-cü massiv, 53 küçəsindən gedir. Sakinlərin sözlərinə görə, Sukanal İdarəsi yeni su xətti çəkirdi deyə yollar qazılmışdı. Sonra əməkdaşlar işləri yarımçıq qoyub çıxıb gediblər. Nəticədə sakinlərin nə suları var, nə də yolları.
“1 həftədir su yoxdur. Nə vaxt düzəldib qurtaracaqlarını demirlər. Yolları da bərbad günə salıblar. Taksi belə bura gəlmir”, – deyə sakinlər şikayət edirlər.
“Azərsu”dan məsələ ilə bağlı bildirilib ki, 2 küçədə yalnız asfaltlanma işləri qalıb. Digər küçədə isə 4-5 günə işlər yekunlaşacaq.
