Suraxanı rayonu, Bahar qəsəbəsində tullantı sular Xəzərə axıdılır. Bu haqda bu gün, 15 may tarixində Bakuplus.az ARB-yə istinadən xəbər verir.
Hövsan şosesinin adıçəkilən qəsəbəyə gedən hissəsində illərdir çirkab böyük diametrli borularla birbaşa dənizə axıdılır.
“Qoxudan buradan keçmək olmur. 40 ildir vəziyyət belədir. Əvvəl təmizləyici qurğu işləyirdi, iy yox idi. İndi onu da bağlayıblar. Evdə belə oturmaq olmur”, – deyə sakinlər şikayət edirlər.
Axının mənbəyi bəlli olmasa da, xəttin uzun olduğu görünür. Bəzi ərazilərdə suların üzəri açıqdır.
“Azərsu” ASC-dən məsələ ilə bağlı bildirildi ki, ərazidəki suötürücü borular və kanal qurumun balansında deyil:
“Neft yataqlarından lay suların kənarlaşdıırlması üçün qurulmuş açıq kanaldır. Sonradan vətəndaşlar təmir edib tikiblər, özləri üçün kanalizasiya xətti qoşublar. İndi həmin borularla qrunt suları, yağış suları, lay sular, həm də bəzi evlərin tullantı suları axıdılır.
Hazırda bu kanaldan, əsasən, neft suları, yağlar axıdıldığından onun Hövsandakı təmizləyici qurğuya yönəldilməsi mümkün deyil. Çünki həmin su Hövsan təmizləyici qurğusuna ziyan vura bilər.
