Bakı Dənizkənarı bulvarında skuterlərə qarşı xüsusi maneələr quraşdırılıb. Bunun sayəsində elektrik skuterdən istifadə edən insanlar artıq piyadalar üçün sahilyanı hissəyə daxil ola bilməyəcəklər. Bu haqda bu gün, 18 oktyabr tarixində Bakuplus.az 1News-ə istinadən məlumat verir.
Daha öncə skuterlərin xaotik sürməsinin digər insanların istirahətinə mane olduğunu, xüsusən də uşaqlar və ev heyvanlarının hərəkəti üçün təhlükə yaratdığını deyən vətəndaşların şikayətindən sonra bulvarın rəhbərliyi skuterlərə qadağa qoyub. Lakin sonradan skuter istifadəçilərinin çoxsaylı müraciətlərinə görə bu qərara yenidən baxılıb və qadağa götürülüb.
Qadağa götürüləndən sonra bulvarda skuterlərin sürəti 17 km/saata qədər məhdudlaşdırılıb, eləcə də insanların sıxlığının olduğu piyadalar üçün nəzərdə tutulmuş sahil zolağında avtomobillərin hərəkətinə tam qadağa qoyulub.
[caption id="attachment_116902" align="alignnone" width="640"]
Foto 1news[/caption]
