Bakı Dövlət Universitetinin (BDU) məzun günü Milli Gimnastika Arenasında keçirilib. Bu haqda bu gün, 28 iyun tarixində Bakuplus.az universitetin səhifəsinə istinadən məlumat verir.
Açılışda BDU-nun rektoru Elçin Babayev müəllimlərə və valideynlərə təşəkkür edib, tələbələrə uğurlar arzulayıb. Tədbirdə çıxış edən gənclər və idman naziri Fərid Qayıbov, elm və təhsil nazirinin müavini İdris İsayev, AMEA-nın prezidenti İsa Həbibbəyli də iştirak ediblər.
Çıxışlardan sonra məzunlara universitetin tarixi ilə bağlı videoçarx göstərilib.
Məzun günü konsertlə yekunlaşıb. Konsertdə Miri Yusif, Azad Babayev və digər ulduzlar məzunları təbrik edib öz mahnılarını ifa ediblər. Konsertin xüsusi qonağı Barbadoslu italyan müğənni, prodüser, DJ və bir çox beynəlxalq hitlərin müəllifi Adam Kley (Adam Clay) olub.
Bu il BDU-nu 5000-dən çox tələbə bitirir.
