Bakının 2 rayonunda əmək yarmarkası keçiriləcək. Bu haqda bu gün, 24 may tarixində Bakuplus.az Dövlət Məşğulluq Agentliyinə istinadən xəbər verir.
Əmək yarmarkası yalnız Dövlət İqtisad və Bakı Slavyan universitetlərinin tələbə və məzunları üçün Səbail və Nəsimi rayonlarında baş tutacaq.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır. İş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Səbail rayonu, İstiqlaliyyət, 6, Azərbaycan Dövlət İqtisad Universitetində yarmarka 29 may saat 10:00-13:00 arası keçiriləcək.
Nəsimi rayonu, Süleyman Rüstəm küçəsi, 33, Bakı Slavyan Universitetində isə tədbir 30 may saat 11:00-13:00 arası baş tutacaq.
