Bakıda növbəti əmək yarmarkaları keçiriləcək. Bu haqda bu gün, 29 iyun tarixində Bakuplus.az Dövlət Məşğulluq Agentliyinə istinadən xəbər verir.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Tədbirlərdən biri 2 iyul tarixində saat 11:00-13:00 aralığında Xətai rayonu, S.Ə.Şirvani küçəsi, 3, ünvanında Protez-Ortopedik İstehsalat və Reabilitasiya Mərkəzində təşkil ediləcək. Burada 30 vakansiya təqdim olunacaq.
Digər tədbir 4 iyul tarixində saat 11:00-13:00 arası Qaradağ rayonu, Sahil qəsəbəsi, Emin Quliyev küçəsi, Kristal Sarayında baş tutacaq. Burada isə 60 vakansiya təqdim olunacaq.
