Bakı şəhəri ərazisində qurumuş ağaclar kəsilir. Bu haqda bu gün, 8 iyul tarixində Bakuplus.az Qafqazinfo-ya istinadən xəbər verir.
Bakı Şəhər Yaşıllaşdırma Təsərrüfatı Birliyi tərəfindən Bakının 12 rayonu üzrə müxtəlif ünvanlarda quru və qəzalı ağacların götürülməsinə və ya budanmasına rəy alınması üçün Ekologiya və Təbii Sərvətlər Nazirliyinin Dövlət Ekoloji Ekspertiza Agentliyinə müraciət edilib.
İlk mərhələdə mərkəzi küçələrdən, hərəkətin sıx olduğu ərazilərdən, yol kənarlarından bu ağacların götürülməsi və budanma işlərinə başlanılıb. Kəsilən ağaclar və budanan budaqlar ərazidən yığışdırılaraq təmizlik işləri aparılır.
Payız mövsümündə götürülən hər bir ağacın yerində iqlimə uyğun yeni ağaclar əkiləcək.
