Bakının Nizami Kino Mərkəzində cari ayın 30-da “Anime&Comics Cosplay” Festivalı təşkil olunacaq. Bu haqda bu gün, 20 iyun tarixində Bakuplus.az məlumat verir.
Tədbirin qonaqları kospley müsabiqəsi, anime və komiks yarmarkası, K-pop rəqsləri, anime və ləzzətli yeməklərdən həzz alacaqlar.
Festival zamanı Comic Con Astana 2024-də çıxış edəcək “Azərbaycan Cosplay Festivallarının səfiri” (Ambassador of Azerbaijan Cosplay Festivals) seçiləcək.
Festivalda xüsusi qonaq - peşəkar cosplayer, MDB-də keçirilən festivallarda müxtəlif nominasiyaların qalibi və Böyük Britaniya, İslandiya və Türkiyədə keçirilən cosplay festivalların görkəmli qonağı iştirak edəcək.
Biletlər artıq İTicket saytında və mərkəzin kassalarında satışdadır və 20-40 manat dəyərində dəyişir.
Festivalın proqramı:
12:00 - Qapıların açılması – yarmarka və fotoçəkiliş
13:00 - Əsas zalda tədbirin möhtəşəm açılışı
13:15 - Xarici kospleyerin çıxışı və münsiflər heyətinin təqdim olunması
14:00 - Fasilə
14:30 - Cosplay Show – Solo defile
15:00 - Cosplay Show – Group defile
15:30 - Fasilə
16:30 - K-pop rəqslərin müsabiqəsi
16:45 - Aftoqraf sessiya (məşhur xarici kospleyer ilə)
17:30 - Qaliblərin mükafatlandırılması və bağlanış mərasimi.
Festivalın sonunda qonaqlar üçün anime film nümayiş olunacaq.
