Paytaxt ərazisində qadını fotoşəkilləri ilə şantaj etməkdə şübhəli bilinən şəxs tutulub. Bu haqda bu gün, 29 iyul tarixində Bakuplus.az Daxili İşlər Nazirliyinə (DİN) istinadən xəbər verir.
Polis şöbəsinə müraciət edən qadın bildirib ki, bir nəfər ondan şəkillərini sosial şəbəkədə paylaşaraq və haqqında nalayiq ifadələr yazaraq silinməsi üçün pul tələb edib.
Polis əməkdaşlarının keçirdikləri tədbirlər nəticəsində əməli törətməkdə şübhəli bilinən A.Ağayev saxlanılıb.
Faktla bağlı araşdırma aparılır.
