Paytaxtda yeniyetmələr arasında atletika üzrə Bakı Şəhər birinciliyi keçiriləcək. Bu haqda bu gün, 22 may tarixində Bakuplus.az Gənclər və İdman İdarəsinə istinadən xəbər verir.
Azərbaycan Atletika Federasiyası tərəfindən İdman Akademiyasının Stadionunda baş tutacaq idman tədbirində 16-17 yaşlılar 110 və 400 m məsafəyə maneələrlə qaçış, 100, 200, 400, 800, 1500, 3000 m məsafəyə qaçış, uzunluğa tullanma, üç təkanla tullanma, hündürlüyə tullanma, nüvə itələmə, lövhə, nizə və çəkic atma, 4x100 m məsafəyə estafet miks qaçışı növləri üzrə yarışacaqlar.
Yarış Bakı Şəhər Gənclər və İdman İdarəsi və Azərbaycan Atletika Federasiyası tərəfindən 24-25 may tarixlərində saat 17:30-da keçiriləcək.
