Bakı şəhəri, Nəsimi rayonu, Hüseynbala Əliyev küçəsi, 1B ünvanında yerləşən “Aventos” kişi geyimləri mağazasının fəaliyyəti yanğın təhlükəsizliyi tələblərinin pozulması ilə əlaqədar dayandırılıb. Bu barədə 6 dekabr tarixində Fövqəladə Hallar Nazirliyindən (FHN) məlumat verilib.
FHN-in Dövlət Yanğın Nəzarəti Xidməti tərəfindən aparılan yoxlama zamanı mağazada yanğın təhlükəsizliyi sahəsində insanların həyat və ya sağlamlığına, ətraf mühitə və dövlətin əmlak maraqlarına birbaşa təhlükə yaradan çoxsaylı nöqsanlar aşkar edilib.
[URIS id=82043]
