Paytaxtın Bulvar ərazisində “Avropa şəhərciyi” adlı tədbir keçirilir. Bu haqda bu gün, 14 may tarixində Bakuplus.az xəbər verir.
Layihə çərçivəsində Fidan Hacıyevanın Vokal məktəbində Avropa mahnıları ifa olunur, Uşaq kitab guşəsində nağıl personajları ilə kitab oxunur, Məmmədyarovlar Şahmat Məktəbində yarışlara qatılmaq şansı yaradılır və Azərbaycanın regionlarının təamlarını dadmaq olar.
Həmçinin Sağlam Həyat stendində müxtəlif rəqslər və yarışlar təşkil olunur. "Neftçi" futbol klubunun oyunçuları mini-futbol meydançasında futbol həvəskarları üçün çıxışlar edirlər.
Bundan əlavə, şəhərcikdə ERASMUS+ layihəsi barədə məlumat almaq, fotosərgilərlə tanış olmaq, misgərlik məmulatlarının hazırlanması, vitraj rəsmlərinin çəkilməsi kimi ustad dərslərinə qatılmaq mümkündür.
18:00-dan 21:00-a qədər isə konsert proqramı planlaşdırılır.
[URIS id=44481]
