Bakıda banan adı altında başqa meyvə olma ehtimalı var. Bu haqda bu gün, 27 mart tarixində Bakuplus.az ATV-yə istinadən xəbər verir.
Satıcılar özlərinin də xəbərləri olmadan bəzən banan adı altında plantain adlı məhsul satırlar. Banana çox bənzəsə də, rəngi yaşıl, dadı isə şit olur. Afrikada bu məhsulu kartof kimi istifadə edirlər. Onların kalorisi isə banandan çox olur.
Mütəxəssislərin sözlərinə görə, əksər hallarda meyvə quruları da plantain qurularından hazırlanır. Bu məhsullarda şəkər, karbohidrat və protein dəyəri daha çoxdur.
“Plantainlərin qabıqları daha yaşıl olur, çətin soyulur, daha uzunsov və ucları sivri olur”, – deyə qida mütəxəssisi Məhsəti Hüseynova qeyd edib.
