Bakının Sabunçu rayonunda 42 yaşlı kişi arvadına xəsarət yetirib.
Hadisə Sabunçu rayonu, Ramana qəsəbəsi, Bünyatzadə qəsəbəsində baş verib.
Şərur rayon sakini, 1984-cü il təvəllüdlü Telman qəsəbədə yerləşən nömrəsiz fərdi yaşayış evinin mətbəxində arvadı Dilarə (adlar şərtidir – red.) ilə mübahisə edib.
İstintaq sənədlərinə görə, 42 yaşlı kişi arvadının onunla kobud danışması səbəbindən aralarında yaranmış mübahisə zamanı qəsdən masanın üzərində olan çay qaşığı ilə bir dəfə onun burun, bir dəfə isə əli ilə üz nahiyələrinə zərbələr vurub. Ona müxtəlif dərəcəli bədən xəsarətləri yetirib.
Faktla bağlı Telmana qarşı Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
İş üzrə izahat verən Telman ona elan olunmuş ittiham üzrə özünü təqsirli bilib. O, arvadı ilə barışdığını söyləyib. Zərərçəkmiş də ifadəsində əri ilə barışdığını təsdiqləyib.
Sabunçu Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən təqsirləndirilən şəxs cinayət məsuliyyətindən azad edilib, cinayət işi üzrə icraata xitam verilib.
mənbə: demokrat.az
