Bakıda “Characters” müasir dramaturgiya festivalı çərçivəsində iyulun 3-də Çili dramaturqu və rejissoru Pablo Manzinin “Barbarların yaşadığı yer” (ispan. “Donde Viven los Bárbaros”) tamaşasının oxunuşu keçiriləcək. Bu haqda bu gün, 24 iyun tarixində Bakuplus.az məlumat verir.
Oxunuş “Kapellhaus”da saat 18:30-da baş tutacaq. Tədbirin quruluş müəllifi Azərbaycan Dövlət Akademik Rus Dram Teatrının və Azərbaycan Dövlət YUĞ Teatrının rejissoru Tural Mustafayevdir. Pyes Azərbaycan Dövlət Mədəniyyət və İncəsənət Universitetinin tələbələri tərəfindən oxunacaq.
Pablo Manzinin 2015-ci ildə yazdığı pyes müasir dünyada zorakılıq və qorxu mövzusunu, cəmiyyət daxilindəki sosial-siyasi fikir ayrılıqlarını gündəmə gətirir, miqrantların problemlərinə və gender kimliyinə toxunur.
Tədbirə giriş sərbəstdir, yaş həddi 18+.
