Azərbaycan Memarlıq və İnşaat Universitetində (AzMİU) Memarlar Gününə həsr olunmuş kitab sərgisi keçirilib. Sərgi Universitetin elektron kitabxanası tərəfindən təşkil olunub. Bu haqda 4 oktyabr Trend xəbər verib.
Tədbirin açılışında professor-müəllim heyəti, tələbələr iştirak edib.
Sərgidə əsasən Memarlıq fakültəsinin müəllimlərinin, eləcə də dünya memarlarının Azərbaycan, rus, ingilis və türk dillərində nəşr olunmuş kitabları nümayiş olunub.
Sərgiyə tələbələr də böyük maraq göstəriblər, onlar sərgilənən nadir kitablarla tanış olublar. Elektron kitabxananın müdiri Aytən Rəhmanova təqdim olunan kitablar barədə sərgi iştirakçılarına məlumat verib.
