Bakıda eyni nömrə altında 2 fərqli marşrut xətti fəaliyyət göstərir. Bu haqda bu gün, 17 iyul tarixində Bakuplus.az Xəzər Xəbər-ə istinadən məlumat verir.
Belə ki, 120 nömrəli maşrut xətti altında hərəkət edən avtobusların bir hissəsi Bayıl qəsəbəsi – Qaradadağ rayonu istiqamətində hərəkət edir. Digərləri isə metronun “28 May” stansiyası – Hövsan qəsəbəsi istiqamətində fəaliyyət göstərir. Bu da sərnişinlər arasında çaşqınlıq yaradır.
Bildirilir ki, Hövsan qəsəbəsinə gedən avtobuslar daha öncə 175 nömrəsi altında hərəkət edirdi. 1 iyul tarixindən isə nömrə dəyişdirilib.
Azərbaycan Yerüstü Nəqliyyat Agentliyindən (AYNA) bildirilib ki, paytaxtda yeni marşrut şəbəkəsi hazırlanıb. Yenilənmə zamanı şəhərdaxili, şəhərkənarı və qəsəbələrarası marşrutların fərqlənmələri üçün nömrələrində də dəyişiklik edilir. Hazırda 2 nömrə təkrarlanır və bu tezliklə aradan qaldırılacaq.
