9 oktyabr tarixində “Fatehler” layihəsi adı altında Bakıda 44 günlük Vətən müharibəsi iştirakçıları və qaziləri ilə görüş təşkil olunacaq. Tədbir saat 15:00-da Sabunçu Gənclər Evinin təşkilatçılığı ilə eyniadlı məkanda baş tutacaq.
Bu həftə layihənin qonağı XTQ, Baş leytenant, həkim qazi Namiq Seyfəddinli olacaq. O, müharibə dövründə Cəbrayıl, Xocavənd, Hadrut, Füzuli, Şuşa istiqamətlərində döyüşüb və eyni zamanda həkim vəzifəsini icra edib. Şuşada qolundan yaralanaraq II qrup Qarabağ qazisi statusu almışdır.
Namiq Seyfəddinli Fizulinin azad olunmasına görə, Xocavəndin azad olunmasına görə, Şuşanın azad olunmasına görə, Döyüşdə fərqlənməyə görə medalları ilə təltif olunmuşdur.
Tədbirdə iştirak etmək üçün təşkilatın instagram səhifəsində paylaşımın rəy bölməsinə “+” yazmaq kifayətdir.
