Paytaxtın Sabunçu rayonunda hələ də insanların yaşadığı binaların söküntüsü davam edir. Bu haqda bu gün, 20 dekabr tarixində Bakuplus.az Oxu.az-a istinadən məlumat verir.
Vətəndaşların sözlərinə görə, hələ də orada yaşamalarına baxmayaraq, evlər sökülür.
“Rayonun Sabunçu qəsəbəsi, Xəstəxanayanı küçəsi, ev 39, 41 və 43 ünvanlarında yerləşən binaları bizə xəbərdarlıq etmədən uçururlar. Heç bir sənəd təqdim etmədən söküntüyə başlayıblar. İçərisində sakin yaşadığı halda ev necə sökülə bilər? Şikayətlərimizə baxan yoxdur. Hər kəs susur”, - deyə yerli sakinlər bildirirlər.
Məsələ ilə bağlı Rayon İcra Hakimiyyətindən (RİH) qeyd ediblər ki, sakinlərin əksəriyyəti artıq köçürülüb.
“Rayonun Sabunçu qəsəbəsi, Xəstəxanayanı küçəsi, ev 39, 41 və 43 ünvanları kəskin qəzalı binalardır. 2015-ci ildə FHN tərəfindən yararsız olduğuna dair akt verilib. Dövlət tərəfindən kompensasiya ayrılıb. Kompensasiya əsasında vətəndaşlar köçürülürlər.
Hazırda beş-altı sakin qalıb. Onlar da şirkəti gözləyirlər. Yəqin ki, ayın axırına qədər tikinti şirkəti gələcək. Onlarla müqavilə bağlayıb köçürəcəklər. Kompensasiyanın nə qədər olacağını deyə bilmərik. Bizim səlahiyyətimizdə deyil”, - RİH-dən qeyd olunub.
[URIS id=83849]
