Bakıda inşaat aparılan yerlərdə ağaclar niyə qurumağa başlayır? Bu haqda bu gün, 17 oktyabr tarixində Bakuplus.az ATV-yə istinadən xəbər verir.
Nərimanov rayonu, Faiq Yusifov küçəsində inşaat işləri səbəbindən ağacların olduğu ərazi hasarlanıb. İddia olunur ki, hasarlanmadan sonra ağaclar qurumağa başlayıb.
“Mən dəfələrlə buradan keçirəm. Əvvəl yaşıl idi. İndi baxımsızlıqdan qurumağa başlayıb”, – deyə sakinlər şikayət edirlər.
Onlar iddia edirlər ki, inşaat şirkətləri ağacları qəsdən qurudur. Onlar ağacları oradan götürmək üçün bu addımı atırlar.
“Torpaq özəlləşdirilir. Daha sonra ərazidə tikinti işləri gedir və bir müddətdən sonra elə şərait yaradılır ki, ağac özü tədricən sıradan çıxır. Yalnız bundan sonra şirkət müvafiq ekoloji qurumu dəvət edir ki, bu ağac quruyub və onun kəsilməsinə icazə verilsin”, - deyə Ekoloq Rövşən Abbasov bildirib.
Ekologiya Nazirliyi məsələ ilə bağlı araşdırma aparır.
