Baş Dövlət Yol Polisi İdarəsi hava şəraitinin dəyişməsi səbəbindən sürücüləri xəbərdarlıq edib. Bu barədə 4 oktyabr tarixində avtosfer.az saytı məlumat verib.
Yağış nəticəsində yollarda yaranan gölməçələrdən keçən sürücülər daha diqqətli olmalıdırlar. Piyadaların üzərinə su sıçradan hər bir sürücü 40 manat cərimələnəcək. Cərimə eyni zamanda digər avtonəqliyyat vasitəsini yağış suyu ilə isladanlar üçün də nəzərdə tutulub.
Bundan əlavə sürücülər tərəfindən bu cür kobud davranışla üzləşən piyadalar həmin avtomobilin nömrəsini götürərək polis bölməsinə şikayət edə bilərlər.
Həmçinin şüşəsiləni işlək olmayan avtomobillərin sürücüləri saxlanaraq 50 manat məbləğdə cərimələnəcək.
Qeyd edək ki, oktyabrın 4-ü axşamdan 7-dək Bakıda fasilələrlə yağış yağacağı, ayrı-ayrı yerlərdə küləyin güclənəcəyi barədə Milli Hidrometeorologiya Xidməti proqnoz verib.
