Bakının Nərimanov rayonu, Əhməd bəy Ağaoğlu küçəsində yerləşən keçmiş Şəhriyar adına park hasarla əhatə olunub. Bu haqda bu gün, 1 fevral tarixində Bakuplus.az Caliber.az-a istinadən məlumat verir.
Parkda İtaliya-Azərbaycan Universitetinin tikintisi nəzərdə tutulur. Prezident İlham Əliyev 2022-ci il oktyabrın 21-də universitet layihəsi haqqında sərəncam imzalayıb.
Universitetin ümumi ərazisi təxminən 2,3 hektar olacaq, burada 4 inzibati-tədris korpusu və tələbələr üçün iki yataqxana yerləşəcək. İşlər burada olan ağacların maksimum dərəcədə qorunub saxlanması nəzərə alınmaqla aparılacaq, bundan başqa, boş ərazilərdə yeni ağaclar əkiləcək. Parkdakı birmərtəbəli evlərdə yaşayanlar yeni evlərə köçürüləcəklər.
İtaliya-Azərbaycan Universitetində iki institut - Kənd Təsərrüfatı və Qidalanma Elmləri İnstitutu və Dizayn və Memarlıq İnstitutu fəaliyyət göstərəcək.
[URIS id=89107]
