Paytaxtın Keşlə qəsəbəsinin Yenikənd küçəsində xaski itlərini gəzdirən şəxs saxlanılıb. Bu haqda bu gün, 18 yanvar tarixində Baku.ws məlumat verib.
Yanvarın 14-də polis əməkdaşları heyvanları ağızlıqsız gəzdirdiyinə görə İntiqam Cavadova (ad və soyad şərtidir) irad bildiriblər. Kişi polisə cavab verib ki, bunlar onun itləri deyil.
Heyvanların sahibini müəyyən etmək üçün kişi polis bölməsinə dəvət edilib. Cavadov hüquq-mühafizə orqanları əməkdaşlarının qanuni tələblərini yerinə yetirməkdən imtina edib, nəticədə onlar arasında münaqişə yaranıb.
Polis əməkdaşının hesabatında qeyd olunub ki, kişi ona və onun ailəsinə qarşı nalayiq ifadələr işlədib. Bununla bağlı Cavadov saxlanılaraq polis bölməsinə aparılıb, daha sonra məhkəməyə göndərilib.
Məhkəmədə o, dövlət qulluqçusu işlədiyini və yuxarıdakı itlərin sahibi olmadığını bildirib. Kişi heyvanların polis əməkdaşlarına hücum edə biləcəyini düşündüyü üçün onlardan birini əlində saxladığını qeyd edib.
Cavadov Azərbaycan Respublikası İnzibati Xətalar Məcəlləsinin “Polisin qanuni tələblərinə tabe olmama” maddəsi ilə təqsirli bilinib. Məhkəmənin qərarı ilə o, 1 ay müddətinə inzibati qaydada həbs edilib.
