Bakıda “xruşovka”lar kütləvi satışa çıxarılıb. Bu haqda bu gün, 3 iyun tarixində Bakuplus.az Xəzər Xəbərə istinadən məlumat ve
Paytaxt ərazisində köhnə beşmərtəbəli binalardakı mənzillər kütləvi satışa çıxarılıb. Buna səbəbin Bakının yeni Baş Planına uyğun köhnə binaların sökülməsi olduğu ehtimal edilir. Sözügedən binaların əksəriyyətinin söküləcəyi xəbəri bazara ciddi təsir göstərib.
Azərbaycan Qiymətləndiriclər Cəmiyyətinin sədri məsələ ilə bağlı bildirib ki, Baş Plan gündəmə gəldikdən sonra müəyyən ajiotaj yaranıb. O, vətəndaşların artıq yeni mənzillərə daha çox meyil göstərdiklərini də qeyd edib.
“Türkiyədəki zəlzələdən sonra bir çox binalar dağıldı. Bu da insanlarda bir fikir yaratdı ki, yeni binalara daha çox maraq yaranıb”, – deyə o əlavə edib.
