Paytaxtda növbəti dəfə “Kənddən Şəhərə” yarmarkası baş tutacaq. Bu haqda bu gün, 18 iyul tarixində Bakuplus.az Kənd Təsərrüfatı Nazirliyinə istinadən xəbər verir.
Tədbirdə 20 regiondan 40-a yaxın fermer iştirak edəcək. Tədbirdə 100-ə yaxın çeşiddə kənd təsərrüfatı və qida məhsullarının satışı həyata keçiriləcək.
Məhsulların keyfiyyətinə Azərbaycan Qida Təhlükəsizliyi Agentliyi (AQTA) nəzarət edəcək.
Yarmarkanın keçirilməsində əsas məqsəd yerli fermerlər üçün alternativ satış kanalı yaratmaq, həmçinin şəhər sakinlərini təbii və sağlam kənd məhsulları ilə dolğun şəkildə təmin etməkdir.
Ünvan: Nərimanov rayonu, Fətəli xan Xoyski küçəsi, 5 (“Gənclik” metro stansiyasının yanı).
