Xətai rayon Məhkəməsinin hakimi səhv qərar çıxarıb. Bu haqda bu gün, 13 iyul tarixində Bakuplus.az Qafqazinfo-ya istinadən xəbər verir.
Penitensiar Xidmətin Müalicə Müəssisəsinin rəisi Mayıl Məmmədovun qızı ilə keçmiş kürəkəni Sadiq Poluzadə arasında məhkəmə çəkişməsində hakim Şəhriyar Əliyevin səhv qərar çıxardığı iddia olunur.
S.Poluzadənin sözlərinə görə, M.Məmmədov hakimə təzyiq göstərib. Daha sonra məsələ ictimailəşdirilib və araşdırma başlanılıb.
Ədliyyə Nazirliyindən məsələ ilə bağlı bildirilib ki, hakim Ş.Əliyevin bir sıra pozuntulara yol açdığı aşkarlanıb. Buna görə hakimlə bağlı tədbirlər görülüb.
Hazırda şikayətçilərin işi Bakı Apellyasiya Məhkəməsindədir. Mayıl Məmmədovun qızı ilə onun keçmiş kürəkəni arasında mülkiyyətə görə məhkəmə çəkişməsi gedir. M.Məmmədovun qızı ona 64.000 AZN dəyərində qızıl-zinət əşyalarının çatmalı olduğunu iddia edir.
[caption id="attachment_106151" align="alignnone" width="640"]
Foto açıq mənbədən[/caption]
