Bakının Yasamal rayonunda, Fuad İbrahimbəyov və Zivər bəy Əhmədbəyov küçələrinin kəsişməsində mərhum Emma Sadıxovaya məxsus ev ətrafında mübahisə yaşanır. Bu haqda bu gün, 12 iyul tarixində Bakuplus.az Baku TV-yə istinadən məlumat verir.
Belə ki, yaşlı qadın oğlu ilə birlikdə Sadıxovanın evinə əlində mülkiyyət hüququnu təsdiq edən heç bir sənədi olmadan qanunsuz olaraq köçüb.
Yasamal Rayon İcra Hakimiyyətinin nümayəndəsi Fərid Pənahovun sözlərinə görə, hazırda həmin ərazidə “RR Constructions” MMC tikinti işləri aparır.
Yuxarıda qeyd olunan ərazidəki 240 mənzildən 220-sinin sakinləri artıq müqavilə imzalayaraq köçüblər, bu ərazidən köçürülən bütün vətəndaşlar kirayə evlərlə təmin olunublar.
Lakin sökülməyən evlərdən biri Emma Sadıxova adlı qadına məxsusdur. Həmin qadın bir müddət əvvəl vəfat edib. Qadının ölümündən sonra özünü Çimnəz kimi təqdim edən yaşlı qadın ailə üzvləri ilə birlikdə Sadıxovaya məxsus evin qapısını sındıraraq qanunsuz daxil olub.
İndi qarşıdan gələn söküntüdən xəbər tutan qanunsuz sakinlər tikinti şirkətindən fantastik məbləğdə təzminat tələb edirlər. Lakin onlar daşınmaz əmlaka hüquqlarını təsdiq edən heç bir sənəd təqdim edə bilmirlər.
Ətraflı süjetdə:
