Bakı şəhəri ərazisində yerləşən köhnə binalar nə dərəcədə etibarlıdır? Bu haqda bu gün, 12 dekabr tarixində Bakuplus.az İctimai TV-yə istinadən xəbər verir.
Verilən məlumata əsasən, paytaxtın Yasamal, Sabunçu, Xətai, Binəqədi, Suraxanı və Xəzər rayonu ərazisində ümumilikdə 764 binanın istismar müddəti bitib.
“Bir neçə dəfə şahidi olmuşam ki, yuxarıdan kərpic və ya başqa şeylər düşür. Bina yararsız vəziyyətdədir. İstənilən vaxt dağıla bilər”, – deyə sakinlər şikayət edirlər.
Külək əsən kimi bu kimi binaların hissələri tökülür. FHN isə yoxlanılması üçün tikilinin balansında olduğu qurum tərəfindən müraciətin vacibliyini bildirir.
Köhnə yataqxanalar isə ümumiyyətlə, yoxlanılmır. Burada məcburi köçkünlər yaşayırlar və onlar yaxın zaman köçürüləcəklər deyə tikililər olduğu kimi qalıb.
Tikinti mütəxəssisi Elnur Azadovun sözlərinə görə, Bakıda olan köhnəlmiş yaşayış fondunun yenilənməsi istiqamətində işlər aparılmalı idi. Lakin Arxitektura komitəsi tərəfindən 2018-ci ildə tətbiq olunan yeni inşaat formativləri buna hazırda yol vermir.
“Məsuliyyətə gəldikdə, təbii ki, hazırda hər hansı bir qurum məsuliyyət daşımır. Həmin binalar yalnız İH tərəfindən qeydiyyata alınıb. Bəzi binalar isə sovet höküməti vaxtında ləğv olunmuş qurumlar və yaxud idarələr, zavodlar, fabriklərin balansında olduğuna görə hazırda həmin binalara cavabdehlik heç kimə məxsus deyil”, – deyə o əlavə edib.
Paytaxt ərazisində istismar müddəti bitmiş binaların siyahısı aşağıdakı kimidir:
