Paytaxtda dönərxanaların birində nöqsanlar aşkarlanıb.
Bakuplus.az-a Azərbaycan Qida Təhlükəsizliyi Agentliyindən (AQTA) verilən məlumata əsasən, Sabunçu rayonu, Kürdəxanı qəsəbəsi, N.Rəfibəyli küçəsi 2 ünvanında fəaliyyət göstərən Baloğlanov Asif Kamal oğluna məxsus dönərxanada yoxlamalar keçirilib.
Nəticədə iaşə müəssisəsinin qida təhlükəsizliyi qeydiyyatından keçmədiyi, sanitar-gigiyenik qaydalara əməl olunmadığı, dondurucuda mal qonşuluğu prinsipi pozulduğu, qida məhsulları, əllər, alət və ləvazimatların eyni yuma sahəsində yuyulduğu, təmizlik avadanlıqları üçün ayrıca dolabın olmadığı, işçinin tibbi arayışının və xüsusi geyim, fərdi mühafizə vasitələrinin (əlcək, önlük, saç toru və s.) olmadığı, mütəmadi təmizlik işlərinin aparılmadığı və digər nöqsanlar aşkar olunub.
Faktla bağlı qanunvericiliyə uyğun tədbirlər görülüb və müəssisənin fəaliyyəti dayandırılıb.
