Bu gün, 12 aprel, səhər saatlarında Xətai rayonunda betonqarışdırıcı avtomobilin qəzaya düşməsi nəticəsində magistral qaz kəməri zədələnib. Bu haqda Bakuplus.az Azəriqaz-ın mətbuat xidmətinə istinadən məlumat verir.
Bildirilir ki, avtomobilin qaz xəttindən çıxarılması və təmir işlərinin aparılması ilə əlaqədar bu gün saat 13:00-dan etibarən Keşlə QPS-dən qaz təchizatı dayandırılıb.
Təmir zamanı Xətai rayonunda (Y.Səfərov küçəsi, Babək prospekti, Xocalı prospekti, Nobel prospekti, F.Bayramov küçəsi, S.Vəzirov küçəsi, M.Mehdizadə küçəsi, İ.Orucov küçəsi, NZS qəsəbəsi, UPD yaşayış massivi, Aşıq Qurban, Mingəçevir və Süleyman Əhmədov küçələri) 35.000 abonentin qazla təchizatı məhdudlaşdırılıb, Nəsimi rayonunda isə (Azadlıq prospekti, 28 may küçəsi, Dilyarə Əliyeva küçəsi, Nizami küçəsi, Xəqani küçəsi) 20.000 abonentin alternativ mənbələrdən qaz təchizatının təmin edilməsi imkanlarına baxmayaraq, qazın verilməsində müəyyən zəiflik ola bilər.
Hal-hazırda təmir işləri davam etdirilir.
