Bakıda 77-DC-247 dövlət qeydiyyat nişanlı “Toyota Prius” markalı avtomobilin sürücüsü Bəhruz Məmmədov “C” hərfini “O” hərfinə dəyişərək elektron cərimələrdən yayınmağa çalışıb. Bu barədə Daxili İşlər Nazirliyinin (DİN) Baş Dövlət Yol Polisi İdarəsinin Hərəkətin Təhlükəsizliyinin təbliği şöbəsinin rəisi, polis polkovnik-leytenantı Rövşən Tağıyev məlumat verib.
Baş Dövlət Polis İdarəsinə daxil olan sorğu əsasında sürücünün şəxsiyyəti müəyyən edilərək məsuliyyətə cəlb edilib.
“Bir daha bütün sürücülərdən xahiş edirik ki, bu cür qanunsuz hərəkətlərə yol verməsinlər. Əks halda qanun pozucularına qarşı ciddi cəza tədbirləri görüləcək”, – deyə Tağıyev əlavə edib.
