Bakı sakininin mənzilinə girişin bağlanması iddiası ilə bağlı "Sipark MTK" tikinti şirkətinin İctimaiyyətlə Əlaqələr Şöbəsinin rəhbəri İradə Nurəddinqızı açıqlama verib.
MTK-nın sözçüsü vətəndaşları qanun pozuntusunda günahlandırıb.
"Fotodan da göründüyü kimi, binanın ümumi həyətyanı ərazisinə qonşu tərəfindən qeyri-qanuni qapı açılıb. Biz isə sadəcə, bu qanun pozuntusunun qarşısını almağa çalışırıq.
Qeyd edim ki, dəfələrlə müraciətlərimizə baxmayaraq, belə bir qanun pozuntusuna yol verilib. Biz hüquqi dövlətdə yaşayırıq, ona görə də əlaqədar qurumlara müraciət etmişik. Sözügedən tikilinin bizim binanın həyətyanı ərazisinə heç bir aidiyyəti yoxdur. Ona görə də onların qapı açması qeyri-qanunidir. Qarşı tərəf yalan danışır, onların hərəkət hüquqları məhdudlaşdırılmayıb, əksinə, onlar qanunsuz olaraq, həyətyanı sahəmizə qapı açmaq istəyiblər. Onların əsas küçəyə giriş-çıxışları mövcuddur", - deyə Nurəddinqızı bildirib.
[caption id="attachment_144204" align="alignnone" width="640"]
Foto Oxu.az[/caption]
14:47 - Bakıda sakinlər mənzillərinə girə bilmirlər - ŞİKAYƏT
Bakı sakini mənzilinə girişin bağlandığını iddia edir. Bu haqda bu gün, 19 iyul tarixində Bakuplus.az Oxu.az-a istinadən məlumat verir.
Şikayət edən Bahar Şıxızadə qeyd edib ki, tikinti şirkətinin özbaşınalığı ucbatından ailə üzvlərinin evə daxil olmaq hüququ məhdudlaşdırılıb.
“Həsən Əliyev, 70, mənzil 5 ünvanında yaşayırıq. “Sipark MTK” tikinti şirkəti heç bir məhkəmə sənədi olmadan, səbəbsiz yerə bizim binanın girişini bağlayıb. Evin qarşısında tikinti başlayıblar, hasar çəkiblər. Etirazımızı bildirdik. Hədə-qorxu gəldilər. Binanın 1-ci mərtəbəsinə, ümumiyyətlə, işıq düşmür, Günəş şüasına həsrət qalmışıq. Şikayətimizə baxan da yoxdur”, - deyə vətəndaş şikayətlənir.
“Sipark MTK” ilə əlaqə saxlamaq cəhdləri uğursuz olub.
Müvafiq görüntüləri təqdim edirik:
[caption id="attachment_144187" align="alignnone" width="640"]
Foto Oxu.az[/caption]
